Divyang Lagn Sahay Yojana | દિવ્યાંગ લગ્ન સહાય યોજના । દિવ્યાંગ લગ્ન સહાય યોજનાની સંપુર્ણ માહિતિ મેળવો એક ક્લિક માં

Lagn sahay yojana Gujarat | દિવ્યાંગ લગ્ન સહાય યોજના | e-samaj kalyan Gujarat online form | Samaj suraxa yojana | રૂપિયા 50000 થી 1 લાખ સુધી સહાય । Lagn sahay yojana detail in Gujarati

દિવ્યાંગ લગ્ન સહાય યોજના

દિવ્યાંગ લગ્ન સહાય યોજના 2023

સામાજિક ન્યાય અને અધિકારીતા વિભાગ,ગાંધીનગર દ્વારા અને નિયામક શ્રી  સમાજ સુરક્ષા દ્વારા દિવ્યાંગો માટે અનેક કલ્યાણકારી યોજનાઓ અમલમાં મુકવામાં આવેલ છે. જેમાંદિવ્યાંગ સાધન સહાય યોજના, દિવ્યાંગ ફ્રી બસ પાસ યોજના, દિવ્યાંગ ઓળખ કાર્ડ દિવ્યાંગ પેન્શન યોજના જેવી યોજનાઓનો સમાવેશ થાય છે આવી જ એક યોજના છે. “દિવ્યાંગ લગ્ન સહાય  યોજના “ દિવ્યાંગ વ્યક્તિ સમાજ માં સન્માન પુર્વક જીવી શકે અને  દિવ્યાંગ લગ્ન ને પ્રોત્સાહન મળે તે હેતુથી ‘દિવ્યાંગ લગ્ન સહાય યોજના‘ અમલમાં મુકવામાં આવેલ છે. જેની જેની અરજી ઓનલાઈન ઈ-સમાજ કલ્યાણ પોર્ટલ (e-samaj kalyan Portal) પરથી કરવાની હોય છે. આ યોજનામાં કયા કયા ડોક્યુમેન્ટ જોઇએ ? દિવ્યાંગ લગ્ન સહાય યોજનામાં કેટલી સહાય મળવાપાત્ર છે ? અરજી કરવા માટે કયા કયા ડોક્યુમેન્ટ જોઇએ વગેરે માહિતિ આ આર્ટિકલમાં મેળવીશુ.

દિવ્યાંગ લગ્ન સહાય માટેની શરતો

દિવ્યાંગ લગ્ન સહાય યોજના માટે અરજી કરવા માટે નીચેની શરતો પુર્ણ કરતા હોવા જોઇએ

● દિવ્યાંગ ઓળખકાર્ડ ધરાવતા હોવા જોઇએ.

● કન્યાની ઉંમર 18 વર્ષથી ઉપર અને છોકરાની ઉંમર 21 વર્ષથી વધુ હોવી જોઈએ.

● દિવ્યાંગ લગ્ન સહાય યોજનાનો લાભ ફક્ત એક જ વખત (યુગલ દીઠ) મળવાપાત્ર રહેશે.

● આ યોજનામાં લગ્ન થયાની તારીખથી બે વર્ષની સમયમર્યાદામાં અરજી કરવાની રહેશે.

હાઇલાઇટ પોઇન્ટ દિવ્યાંગ લગ્ન સહાય યોજના 2023

યોજના નું નામ	દિવ્યાંગ લગ્ન સહાય યોજના
લાભાર્થી	પાત્રતા દિવ્યાંગ યુગલ
અરજી કરવાનો સમયગાળો	લગ્ન કર્યાના બે વર્ષની સમયમર્યાદા
કેટલી સહાય મળવા પાત્ર છે	પચાસ હજાર થી ૧ લાખ સુધી
ઇ સમાજ કલ્યાણ પર રજીસ્ટ્રેશન અને ફોર્મ ભરવા અંગેની સંપુર્ણ માહિતિ માટે	અહીં ક્લિક કરો
ઓફિશિયલી વેબસાઇટ	www.esamajkalyan.gujarat.gov.in/
ઓનલાઇન અરજી કરવા માટે	અહીં ક્લિક કરો
WhatsApp માં જોડાવા માટે	અહીં ક્લિક કરો

દિવ્યાંગતાના પ્રકાર

દિવ્યાંગ લગ્ન સહાય યોજનાનો લાભ 21 પ્રકારની દિવ્યાંગતા અને દિવ્યાંગતાની ટકાવારી ધરાવતા વ્યક્તિઓને આપવામાં આવશે. જે નીચે મુજબ છે.

ક્રમ	દિવ્યાંગતાનો પ્રકાર	દિવ્યાંગતાની ટકાવારી
1	અંધત્વ (Blindness)	40 ટકા કે તેથી વધુ
2	આનુવંશિક કારણોથી થતો સ્નાયુક્ષય (Muscular Dystrophy)	40 ટકા કે તેથી વધુ
3	ઓછી દ્રષ્ટિ (Low Vision)	40 ટકા કે તેથી વધુ
4	રક્તપિત-સાજા થયેલ (Leprosy Cured Person)	40 ટકા કે તેથી વધુ
5	એસિડના હુમલાનો ભોગ બનેલા (Acid Attack Victim)	40 ટકા કે તેથી વધુ
6	હલન-ચલન સાથેની અશકતતા (Locomotors Disability)	40 ટકા કે તેથી વધુ
7	સેરેબલપાલ્સી (Cerebral Pals)	40 ટકા કે તેથી વધુ
8	વામનતા (Dwarfism)	40 ટકા કે તેથી વધુ
9	બહુવિધ સ્કલેરોસિસ – શરીરની પેશીઓ કઠણ થવાની વિકૃતિ (Multiple Sclerosis)	40 ટકા કે તેથી વધુ
10	ક્રોનિક ન્યુરોલોજીકલ સ્થિતિ (Chronic Neurological Condition)	50 ટકા કે તેથી વધુ
11	સામાન્ય ઇજા જીવલેણ રક્તસ્ત્રાવ (Hemophilia)	50 ટકા કે તેથી વધુ
12	ધ્રુજારી સ્નાયુબદ્ધ કઠોરતા (Parkinson’s Disease)	50 ટકા કે તેથી વધુ
13	બૌદ્ધિક અસમર્થતા (Intellectual Disability	50 ટકા કે તેથી વધુ
14	હિમોગ્લોબિનની ઘટેલી (Thelassemia)	50 ટકા કે તેથી વધુ
15	દીર્ઘકાલીન અનેમિયા (Sickle Cell Disease)	50 ટકા કે તેથી વધુ
16	માનસિક બિમાર (Mental Illness)	50 ટકા કે તેથી વધુ
17	ખાસ અભ્યાસ સંબંધી વિકલાંગતા (Specific Learning Disabilities)	50 ટકા કે તેથી વધુ
18	વાણી અને ભાષા અશકતતા (Speech and Language Disability)	50 ટકા કે તેથી વધુ
19	ચેતાતંત્ર-ન્યુરોની  વિકાસલક્ષી સ્થિતિમાં ક્ષતિ (Autism Spectrum Disorder)	50 ટકા કે તેથી વધુ
20	મલ્ટીપલ ડિસેબીલીટીઝ (Multiple Disabilities)	50 ટકા કે તેથી વધુ
21	સાંભળવાની ક્ષતિ (Hearing Impairment)	70 થી 100 ટકા

દિવ્યાંગ લગ્ન સહાય હેઠળ સહાયની રકમ

આ લગ્ન સહાય યોજના હેઠળ દિવ્યાંગ થી દિવ્યાંગ વ્યક્તિ એકબીજા સાથે લગ્ન કરે ત્યારે યુગલની બંને વ્યક્તિને રૂપિયા 50,000 (પચાસ હજાર) + રૂપિયા 50,000 (પચાસ)  કુલ મળીને 1,00,000 (એક લાખ) સહાય મળવાપાત્ર છે.

દિવ્યાંગ  થી સામાન્ય વ્યક્તિ એકબીજા સાથે લગ્ન કરે તેવા કિસ્સામાં દિવ્યાંગ વ્યક્તિને રૂપિયા 50,000 (પચાસ હજાર)ની સહાય આપવામાં આવે છે.

દિવ્યાંગ લગ્ન સહાય યોજના માટે ડોક્યુમેન્‍ટ

• દિવ્યાંગ ઓળખકાર્ડ ની ઝેરોક્ષ તથા સિવિલ સર્જનનાં દિવ્યાંગતાના દાખલાની પ્રમાણિત નકલ ((Unique Disability ID)

• દંપતિના શાળા છોડયાના(LC) પ્રમાણપત્રની નકલ.

• રેશનકાર્ડની પ્રમાણિત નકલ 

• આધારકાર્ડની નકલ 

• ચુંટણીકાર્ડની નકલ

• બેંક પાસબુકની નકલ

• બન્નેના સંયુક્ત લગ્ન ફોટા/ લગ્ન કંકોત્રી

• લગ્ન  નોંધણી પ્રમાણપત્રની નકલ.

દિવ્યાંગ લગ્ન સહાય યોજનાની અરજી ક્યાં કરવી?

દિવ્યાંગ લગ્ન સહાય યોજનાની સહાય મેળવવા માટે  ઈ-સમાજ કલ્યાણ પોર્ટલ  પર ઓનલાઇન અરજી કરવાની હોય છે. જેના માટે ઇ સમાજ કલ્યાણ પોર્ટલ પર  રજીસ્ટ્રેશન કરીને ઓનલાઇન અરજી કરી જરૂરી ડોક્યુમેન્ટ અપલોડ કરીને સબમીટ કરવાની રહેશે. ત્યારબાદ દિવ્યાંગ લગ્ન સહાય યોજનાની અરજીઓની ચકાસણી કરી સહાય મંજૂર કરવાની સત્તા જિલ્લા સમાજ સુરક્ષા અધિકારીશ્રીની હોય છે તેમજ આ બાબતે  વધુ માહિતી માટે જિલ્લાના વડા મથકે આવેલ ‘જિલ્લા સમાજ સુરક્ષા અધિકારીશ્રી‘ની કચેરી સંપર્ક કરવા વિનંતી

દિવ્યાંગ લગ્ન સહાય યોજના બાબતે અગત્યની માહિતિ 

દિવ્યાંગ લગ્ન સહાય યોજના લાભાર્થી જો બે અલગ-અલગ જિલ્લામાં રહેતી વ્યક્તિના લગ્નના કિસ્સામાં દિવ્યાંગ લગ્ન સહાય યોજનાનો લાભ મેળવવા માટે અરજી દંપતિએ લગ્ન બાદ દિવ્યાંગ દંપતીના કાયમી વસવાટના જિલ્લામાં કરવાની રહેશે.

અરજી મંજૂર કરનાર જિલ્લાના જિલ્લા સમાજ સુરક્ષા અધિકારીએ અન્ય જિલ્લાના ‘જિલ્લા સમાજ સુરક્ષા અધિકારીશ્રી’ને અરજી મંજૂર કર્યાની જાણ કરવાની રહેશે.

દિવ્યાંગ અરજદાર અન્ય રાજ્યમાંથી દિવ્યાંગ સ્ત્રી જોડે લગ્ન કરે તેવા કિસ્સામાં બંને દિવ્યાંગ પતિ-પત્નીને આ યોજનાનો લાભ નિયત પુરાવા રજુ કરેથી મળવાપાત્ર રહેશે.

દિવ્યાંગ અરજદાર અન્ય રાજ્યમાંથી દિવ્યાંગ સ્ત્રી જોડે લગ્ન કરે તેવા કિસ્સામાં અરજદાર સ્ત્રી પાસેથી જિલ્લા સમાજ સુરક્ષા અધિકારીશ્રીએ સ્ત્રી લાભાર્થીએ તેના રાજ્યમાંથી દિવ્યાંગ લગ્ન સહાય મેળવેલ નથી તે અંગેની બાંહેધરી મેળવી લેવાની રહેશે.

મિત્રો, આશા રાખું છું કે આપને માહિતિ ગમી હશે જો ગમી હોય તો તેને આપના મિત્રો સુધી પહોચાડવા વિનંતી  તેમજ આ વેબસાઇટ કે લેખ માટે કોઇ સુચન હોય તો નીચે કમેન્ટ બોક્ષમાં કમેન્ટ કરીને જણાવી શકો છો, વેબસાઇટની મુલાકાત લેવા બદલ ધન્યવાદ!

                      WhatsApp ગ્રુપમાં જોડાવા માટે અહીં ક્લિક કરો